Хичээлийн сэдэв

Хичээл: Математик статистик
Сэдэв: #12. Нийлмэл таамаглал

Зорилго

Тархалтын үл мэдэгдэх параметрийн хувьд нийлмэл болон хоёр талт өрсөлдөгчтэй таамаглал шалгах онолын үндэслэл, хамгийн чадалтай болон хазайлтгүй шинжүүрийн критик муж байгуулах зарчмыг эзэмшинэ.

Зорилтууд

  1. Нийлмэл, нэг талт өрсөлдөгчтэй таамаглалын ойлголт, онцлогтой танилцах.
  2. Хүрэлцээтэй статистик болон үнэний орын харьцааны монотон чанарыг ашиглан өрсөлдөгч параметрийн утгаас хамаарахгүй критик муж байгуулах нөхцөлийг судлах.
  3. Экспоненциал тархалтын бүлийн хувьд хамгийн чадалтай шинжүүр оршин байх зарчмыг үзэх.
  4. Хоёр талт өрсөлдөгчтэй таамаглалын критик мужийг зохиох зарчим болон шинжүүрийн хазайлтгүй чанарыг ойлгох.

Дэд сэдвүүд

  1. Нийлмэл болон нэг талт өрсөлдөгчтэй параметрийн таамаглал
  2. Хүрэлцээтэй статистик ба үнэний орын харьцааны монотон чанарт үндэслэсэн критик муж
  3. Экспоненциал тархалтын бүл ба хамгийн чадалтай шинжүүр
  4. Хоёр талт өрсөлдөгчтэй параметрийн таамаглал ба шинжүүрийн хазайлтгүй чанар

Суралцахуйн үр дүн

Мэдлэг

  1. Нийлмэл, нэг талт болон хоёр талт өрсөлдөгчтэй таамаглалын ялгааг тодорхойлох.
  2. Хүрэлцээтэй статистик болон Фишер-Нейманы задаргааны теоремын статистик таамаглал шалгахад гүйцэтгэх үүргийг мэдэх.
  3. Экспоненциал тархалтын бүлийн шинж чанар болон хамгийн чадалтай шинжүүр оршин байх нөхцөлийг ойлгох.
  4. Хоёр талт өрсөлдөгчтэй таамаглал шалгах критик муж байгуулах зарчим ба шинжүүрийн хазайлтгүй чанарын тодорхойлолтыг мэддэг болох.

Чадвар

  1. Параметрийн өрсөлдөгч утгаас хамаардаггүй нэг утгатай, хамгийн чадалтай критик мужийг байгуулах.
  2. Тархалтын загварыг экспоненциал бүлд хамаарах эсэхийг тогтоож, хүрэлцээтэй статистикийг олж тодорхойлох
  3. Ач холбогдлын түвшний хуваарилалтын зарчимд үндэслэн хоёр талт өрсөлдөгчтэй таамаглал шалгах нэгдмэл критик мужийг зохиох.
  4. Хэвийн тархалтын математик дундаж болон дисперсийн талаарх таамаглал шалгах шинжүүрийг хэрэглэх.

Хандлага

  1. Статистик таамаглал шалгах асуудалд математик логик дараалалтай, үндэслэлтэй хандах.
  2. Тодорхойгүй байдлын нөхцөлд хамгийн чадалтай шинжүүрийг сонгох шүүмжлэлт сэтгэлгээг хөгжүүлэх.
  3. Статистик загвар болон шинжүүрийн шаардлага биелж буйг нягталдаг зарчимч, хариуцлагатай чанарыг хэвшүүлэх.
Баталгаажуулах код авах

  1. Хоёр талт өрсөлдөгчтэй ($H_1: \theta \ne \theta_0$) таамаглалын хувьд критик мужийг хэрхэн байгуулдаг вэ?


  2. Экспоненциал тархалтын бүлийн хувьд өрсөлдөгч $\theta_1$ параметрийн утгаас хамаарахгүй, хамгийн их чадалтай шинжүүр оршин байх гол нөхцөл нь юу вэ?


  3. Нийлмэл өрсөлдөгчтэй таамаглал гэдэг нь ямар утгыг илэрхийлдэг вэ?


  4. $H_1: \theta > \theta_0$ буюу нэг талт өрсөлдөгчтэй параметрийн таамаглал шалгах хамгийн их чадалтай критик муж байгуулах арга аль нь вэ?

Бүх асуултад зөв хариулах бөгөөд буруу бол ахин оролдоно.
Хариулах оролдлого бүрийг бүртгэж хадгална.
11 сарын 17 07:40 — 12 сарын 8 07:40 хугацаанд хариулна.